հրաշքներ

Միայն պատկերացրու՝ այս տիեզերքի ամենազորեղ Անձը՝ ամենահզոր Պաշտպանը, լավագույն Բարեխոսը և անպարտելի Պատերազմողը քայլում է քեզ հետ և քո կողքով․․․ 

Եվ ես խնդրում եմ, որ Քո զորավոր ձեռքով միջամտես ու օգնես ինձ հաղթահարելու իմ կյանքի դժվարությունները։ Շնորհակալ եմ, որ Քո Խոսքի միջոցով փոխում ես իմ վերաբերմունքը իմ կյանքի դժվարությունների հանդեպ։

Այո՛, Աստծո Խոսքը մարդուն փոխակերպելու հատկություն ունի։ Աստված Իր Խոսքի ճշմարտություններն ու խոստումների հանդեպ վստահությունը դնում է քո սրտում և դարձնում դրանք քո էության անբաժան մասնիկը։

Աստվածաշունչը մեզ հստակ փոխանցում է այն անհերքելի ճշմարտությունը, որ Նա, Ով քո մեջ է, ավելի մեծ է, քան նա, ով աշխարհում է։

Աստծո Խոսքն անսխալական է և Նրա խոստումները՝ ճշմարիտ։ Այդ դեպքում ինչո՞ւ է ուշանում խոստման իրականացումը։ Հավատարիմ, համբերատար և հավատքով սպասելը յուրաքանչյուր խոստման իրականացման համար անհրաժեշտ պայմաններից մեկն է։

Սկսի՛ր որոնել Աստծո երազանքը քո կյանքի համար։ Քա՛յլ արա դեպի քո երազանքների իրականացումը։

Ամեն բան լավ է լինելու, որովհետև դու որոշել ես ապրել այս կյանքը ոչ մյուս մարդկանց նման, այլ որպես Քրիստոսի աշակերտ։ Աստծո խոստումները Քրիստոսին Տեր ու Փրկիչ ընդունած Նրա զավակների համար են։ 

Եթե դու Քրիստոսի աշակերտն ես, ապա Աստված քեզ երբե՛ք դուրս չի թողնի Իր տեսադաշտից։ Ինչպիսի՜ ուրախություն է գիտակցել Տեր Աստծո անխափան ու հարատև հոգատարության ներքո ապրելու հիասքանչ փաստը․․․

Առաջ ընթացի՛ր քո ողջ ուժով ու զորությամբ՝ քո շրջապատի մարդկանց վկայելով, որ Տեր Աստծո Խոսքը ճշմարիտ է, իսկ խոստումները՝ իրական։ Մեր հաղթանակները լավագույն ավետարանչությունն են։