հրաշքներ

Փորձության ժամանակ Նա քո կողքին է լինելու և քեզ չի թողնի մենակ ու անօգնական:

Նա լիառատ կյանքի և հաղթանակի ընթացք է պատրաստել քեզ համար: Նա հավատարիմ է ուխտի Իր բաժնին և սպասում, որ դու էլ հավատարիմ լինես Նրա կամքին քո հնազանդության մեջ։

Մի՛ կասկածիր Աստծու Խոսքի և խոստումների ճշմարտացիության մեջ, այլ քննի՛ր յուրաքանչյուր խոստման պայմանը։

Հնազանդվի՛ր Նրա Խոսքին և սիրի՛ր Նրա կամքը, ու Նա կբացի քո կյանքի օրհնության և ազատության դարպասները:

Մարդիկ Աստծու սիրո կարիքն ունեն։ Դարձի՛ր Նրա սերը բխող աղբյուրներից մեկը։ Քո շրջապատի մարդիկ քո կարիքն ունեն․․․

Շարունակիր ապրել ուղիղ ու ազնիվ կերպով, ձգտի՛ր արդարության կյանքի և մնա՛ Տեր Աստծուն հավատարիմ՝ անկախ այն գնից, որը կպահանջվի վճարել նման կյանք ապրելու համար։

Մի՛ կորցրու ոգևորությունդ՝ քո շրջապատի մարդկանց համար Աստծուն փառավորելու միջոց դառնալու հարցում։

Վկայի՛ր, որ Տերը ազատել է քեզ վախերից ու անհանգստություններից։ Վկայի՛ր, որ անգամ երբ ոչինչ չէր փոխվում քո կյանքում, Նրա շնորհքը քեզ ուժ էր տալիս դիմակայելու, մաքառելու և առաջ ընթանալու համար։

Բաց մի՛ թող քո խոսքերով շրջապատիդ մարդկանց համար օրհնություն դառնալու այս հնարավորությունը։ Տարածի՛ր քո շուրջ մեղրի պես քաղցր ու անուշահամ խոսքեր: