հրաշքներ

Թող քո առաջին խոսքերը լինեն Նրան ուղղված գովաբանություններ: Խոսի՛ր Տեր Աստծո հետ։ Գոհացի՛ր Նրանից նոր օրվա համար և խնդրի՛ր Նրա օրհնությունն ու առաջնորդությունը այդ օրվա քո բոլոր ծրագրերի համար։

Տեր Հիսուսի հետ միասին քո կյանքի ցանկացած ճակատամարտ անհավանական մեծ հաղթանակ է դառնալու։ Եվ Նա ի զորու է քեզ գերբնական խաղաղություն պարգևելու անգամ ճակատամարտի ամենաթեժ պահերին։ Սա իրական հրաշք է, և դու այս ամենի մեջ ավելին ես, քան հաղթող։ 

Նա կարող է բժշկել քեզ քո անցյալի վատ հիշողություններից ու դրանց հասցրած վերքերից։

Մի՛ վախեցիր դժվարություններից, փորձություններից և անգամ պարտություններից։ Տեր Հիսուսը քեզ հետ է և Նրա Հոգին քո մեջ է բնակվում։

Եթե Նրա սերը կատարյալ ու անմնացորդ չլիներ, ինչպե՞ս կարող էր Նա ուղարկել Իր ամենաթանկին՝ Իր միածին Որդուն, որ մահանա հանուն մեզ, մեր մեղքերի ներման համար և հանուն մեր փրկության: Նա գիտեր մեր բոլոր մեղքերը, երբ ուղարկեց Իր Որդուն։ 

Աստծուն իրապես ընդունող և Նրա Խոսքին հավատացող մարդկանց առանձնահատկություններից մեկը աստվածավախության առկայությունն է։ Տերն էլ Իր հերթին հատուկ վերաբերմունք ունի աստվածավախ մարդկանց հանդեպ։ 

Թո՛ւյլ տուր, որ Նա ուսուցանի քեզ (Նա է կատարյալ Ուսուցիչը)։ Թո՛ւյլ տուր, որ Նա փոխանցի ու սովորեցնի քեզ Աստծո կամքին հնազանդվելու քաղցրության և օրհնությունների մասին (Նա Աստծո կամքը ամեն ինչից վեր դասելու կատարյալ օրինակն է), և քո կյանքը կլցվի աստվածային խաղաղությամբ և անըմբռնելի մի հանգստով։

Հավատարմորեն անցի՛ր դժվարությունների ու փորձությունների քո ընթացքը և կտեսնե՛ս, թե ինչպես ես մուտք գործում Քրիստոսի ամբողջական և լիակատար հաղթանակի մեջ։

Քո գործած մեղքերը չեն որոշում քո ինքնությունը։ Մոտեցի՛ր Նրան խոնարհությամբ և ստացի՛ր Նրա սիրառատ ողորմությունն ու շնորհը: Գտի՛ր ճշմարիտ եկեղեցի։ Դարձի՛ր Քրիստոսի նվիրյալ և հավատարիմ աշակերտը։ Աճի՛ր հոգևորապես։