հրաշքներ

Քո կյանքին արժեք ու գնահատական կարող է տալ միայն այդ կյանքը քեզ պարգևող Տերը, իսկ Աստված քեզ գնահատել է Իր Որդու կյանքի արժեքով։

Երբե՛ք չթողնես, որ թշնամին գողանա քեզնից վերականգնվելու քո հույսը:

Առաջ ընթացի՛ր այս կյանքով՝ վստահ լինելով Տեր Աստծո օգնությանն ու պաշտպանությանը։ Նա միշտ Իր աշակերտների հետ է և երբե՛ք քեզ չի լքի։ 

Աստված լսում է բոլոր արդարների աղաղակը և անհատապես պատասխանում է նրանց աղոթքներին։

Նա գնեց քեզ խավարի ստրկության կապանքներից և օրհնեց քեզ հավերժության համար: Եվ ոչինչը՝ ո՛չ մի տառապանք կամ դժվարություն, ո՛չ մի արհավիրք կամ կյանքի սխալ ընթացք երբե՛ք ու երբե՛ք չի կարող բաժանել քեզ Նրա անսահման մեծ սիրուց:

Վստահի՛ր Նրա ներմանն ու արդարացմանը և վայելի՛ր կյանքը Տեր Հիսուս Քրիստոսի պարգևած ազատության մեջ։

Այո՛, Աստվածաշունչն ամենաթանկ գանձն է, որ Աստված պարգևել է մարդկությանը։ Այն գրվել է Աստծո Սուրբ Հոգով։ Իսկ Սուրբ Հոգին ուղարկվել է Երկնքից, որպեսզի  մխիթարի  և սովորեցնի այն ամենը, ինչը փոխանցվել է Քրիստոսի աշակերտներին (տե՛ս Հովհաննես 14.26 խոսքը)։

Նա ուզում է, որ դու ապրես Իր խաղաղությամբ լեցուն կյանքով:

Ժամանա՛կն է, որ մուտք գործես Քրիստոսի աշակերտի քո ժառանգության մեջ, եթե իհարկե որոշել ես ապրել Աստծո Խոսքի ուսուցանած սկզբունքներին համահունչ կյանքով։