հրաշքներ

Աստծու օգնությամբ ամեն խելահեղ երազանք կարող է իրականություն դառնալ։

Աղոթի՛ր, մնա՛ հավատարիմ փոքր բաներում և կտեսնե՛ս Աստծո խոստացած մեծամեծ օրհնությունները, որոնք Նա հրաշալի ու գերբնական կերպով կուղարկի քո կյանք: Քո կյանքի օրհնությունները երկար սպասել չեն տա, եթե սովորես փոքր քայլերի մեջ հավատարիմ մնալու դասը․․․

Երբ նախ դու ես փոխվում և Հոգու պտուղները սկսում են դրսևորվել քո կյանքում և առօրյայում:

Թույլ մի՛ տուր, որ մարդկանց կողմից հասցրած վերքերը քեզ հեռու պահեն քո Տեր Աստծուն նվիրվելուց։ Դու Նրա զավա՛կն ես, և Նրա խաղաղության ծրագրերը քեզ համար իրականություն կդառնան, եթե հավատաս Նրան ու վստահես քո ամբողջ սրտով:

Կարևորը Նրա հետ վերամիավորվելն է, քանի որ առանց Նրա քո կյանքը խամրելու է և նմանվելու է չորացած մի ճյուղի։ Իսկ Նրա հետ դու ծաղկելու ես, փարթամ տեսք ես ստանալու և պտղաբերելու ես այնպես, որ անգամ քո ամենավառ երազանքներում չէիր էլ կարող երևակայել․․․

Երբ ընկնես, Նա կբարձրացնի քեզ։ Երբ ընկճվես, կքաջալերի։ Երբ հուսահատ ես, Նա քո հույսն է։

Մի՛ նայիր քո թերություններին, այլ տե՛ս, թե Ով է որոշել Իր ձեռքերում վերցնել քեզ և գործել քո կյանքի հետ։