հրաշքներ

Այսօր Տերը ուզում է տեսնել քո՛ հավատքը:

Բարի Լուրն այն է, որ Տեր Հիսուսը եկել է, որպեսզի քանդի սատանայի գործերը։ Նա դա կարո՛ղ է անել քո կյանքում, եթե օգտվես ամեն չարիքի արմատ հանդիսացող մեղքից ազատվելու բացառիկ հնարավորությունից։

Դու կարող ես ընդունել Տեր Աստծու խաղաղությունը, որովհետև Տեր Հիսուսը ամբողջությամբ վճարել է դրա գինը քո փոխարեն:

Նա իրագործում է Իր բժշկությունը քո կյանքում ոչ միայն ֆիզիկապես, այլև հոգևոր, զգացմունքային, հարաբերությունների և նույնիսկ ֆինանսական ոլորտներում:

Սակայն ամենամեծ պարգևը, որ Տերը ուզում է, որպեսզի ընդունես Իր ձեռքից, դա հավիտենական կյանքն է, որի համար Գողգոթայի խաչի վրա Նա վճարել է Իր ամենաթանկը՝ Իր միածին Որդու կյանքը․․․

Քո խոսքերով մեղմի՛ր մարդկանց բարկությունը։ Դարձի՛ր Աստծո սիրո դեսպանը։ Թո՛ղ քո խոսքերն այսօր ինչ-որ մեկի հոգու բժշկության միջոց դառնան Աստծո ձեռքերում։

Աստված մեր կյանքերում անհնարին թվացող բաները հնարավոր դարձնելու զորություն ունի։

Թույլ մի՛ տուր, որ աններողամտությունը գողանա քո կյանքն ու ուրախությունը։ Աստված կօգնի քեզ ներելու հարցում, եթե միայն որոշում կայացնես անելու դա։ Եվ Տերը կանի դա այն դեպքում, երբ իմաստություն և քաջություն խնդրես Իրենից։ 

Ես Քո ձեռքի գործն եմ, Տե՛ր։ Ես գոհանում եմ Քեզնից՝ ինձ այսպիսին արարելու համար։ Բժշկի՛ր ինձ, Տե՛ր․․․ իմ սիրտը, իմ զգացմունքները, իմ հոգին ու իմ մարմինը։