հրաշքներ

Հիշեցրո՛ւ ինքդ քեզ նորից ու նորից, որ խաչի վրա Տերը հաղթել է չարին, և հաղթանակը քոնն է Տեր Հիսուսի հանդեպ քո հավատքի շնորհիվ։ 

Քո կոչումը հավատքի մրցավազքը հավատարմորեն վազելն է՝ մոռանալով այն ամենը, ինչն արդեն հետևում է:

Այսօր քեզ կոչ եմ անում չկասկածել, այլ վստահել Աստծուն:

Քանի որ Աստված սիրում է քեզ, և չի կարող լինել որևէ հանգամանք, որը երբևէ կարող է փոխել այդ իրողությունը։

«Եթե ասում եմ՝ «Ոտքս դողդողում է», Տե՛ր, Քո ողորմությունը հաստատում է ինձ։ Մինչ իմ հոգսերն իմ սրտում շատանում են, Քո մխիթարություններն ուրախացնում են ինձ»

Տիրոջ ուրախությունը քո զորությունն է: Անհնարին ոչինչ չի կարող լինել, երբ հենց Ինքն՝ Աստված է քաջալերում քեզ:

Միայն Աստված կարող է անհանգստություններով ու վախերով լցված քո սիրտը վերցնել Իր արարող ձեռքերի մեջ և այն փոխակերպել ու լցնել ուրախությամբ և խաղաղությամբ։

Վստահի՛ր կյանքդ Մեկին, Ով տիրում է ցանկացած իրավիճակի վրա և Ում համար չկա անհնարին ոչինչ։

Աստծու սերը քեզ տանում է Նրա ամուր ձեռքերի, Նրա գորովալի գրկի ապահովության մեջ։