հրաշքներ

Այսօր Տերը քեզ կանչում է Իր սեղանի մոտ՝ դեպի Իր հետ հաղորդակցության լավագույն վայրը։ Քո առանձնացած վայրում՝ քո ներքին սենյակում, Նա կամենում է հաղորդակցվել քեզ հետ և քեզ ավելի մոտեցնել Իր սրտին ու Ինքն էլ՝ խոսել քո սրտին։

Այն, ինչ Աստված է պատրաստել քեզ համար, քո կյանքի հնարավոր լավագույն ծրագիրն է։ Այսօր իսկապես կիսվիր Նրա հետ քո զգացողություններով և քո ապրումներով, քո վախերով ու անհանգստություններով։

Աստված մարդկությանը որպես Հայր հայտնեց Իրեն, երբ երկիր ուղարկեց Իր Որդուն՝ Հիսուս Քրիստոսին։

Եթե դու հավատում ես Աստծուն և հնազանդ ես Նրա կամքին, ապա Հայրը Ինքն է քեզ պաշտպանում։ Քրիստոսի Հոգին բնակվում է նման մարդկանց մեջ և Նա հակառակ է վախի ստրկության ոգուն։

Իմ բարի ու սիրող Հա՛յր, շնորհակալ եմ, որ Քո ծրագրերն ինձ համար բարի են, այլ ոչ թե աղետաբեր, և որ Դու Քո շնորհքով ու ողորմություններով ես լցնում իմ կյանքը։

Աստծո համար թանկ ու սիրելի՛ զավակ, Տերն ուզում է, որ դու ազատվես մեղավորության ամեն զգացողությունից և ապրես ներված լինելու ազատության մեջ ու ճաշակես Նրա քաղցրությունը քո կյանքի յուրաքանչյուր ակնթարթում։

Փառաբանի՛ր Աստծուն, քանի որ դու կարո՛ղ ես նրա օգնությամբ հաղթահարել քեզ հասցրած բոլոր վիրավորանքները, ներել քեզ ցավեցնողներին ու բժշկել սրտիդ բոլոր վերքերը։

Աստվածաշնչում կարդում ենք այս հիասքանչ խոսքերը. «Բայց Նա մեր հանցանքների համար վիրավորվեց և մեր անօրենությունների համար հարվածվեց. պատիժը, որ մեզ բարօրություն բերեց, Նրա վրա ընկավ, և Նրա վերքերով մենք բժշկվեցինք»

Եվս մեկ անգամ ուզում եմ շեշտել, որ չներելը պատնեշ է մեր և մեր Աստծո միջև։