հրաշքներ

Որքան ավելի ես հաստատվում Աստծուն վստահելու մեջ, այնքան ավելի դիմացկուն ու հոգևորապես պատրաստ ես լինում դիմակայելու գալիք դժվար օրվա դժվարություններին, նոր մարտահրավերներին ու կյանքի փորձություններին։ 

Աստված ունի Իր կատարյալ ժամանակացույցը։ Նա լավագույնն է ուզում մեզ համար։ Նա գիտի Իր զավակներին օրհնել և սիրո ու հոգատարության գործեր անել մեր կյանքում։

Աստված «չի սխալվել» քո պարագայում։ Աստված ուզում է քեզ վստահելի մեկը դարձնել, քանի որ Նա քո աջակցության կարիքն ունի մարդկանց փրկության Իր առաքելության իրագործման հարցում։ Նա պահում ու պաշտպանում է քեզ քո յուրաքանչյուր քայլափոխին։

Տեր Հիսուսի հետ ամե՛ն բան է հնարավոր։ Նրա հետ դու, անկասկած, կհաջողվե՛ս։ Նրա՛ հետ դու քո կյանքի այս փորձությունդ էլ կանցնե՛ս։ Նրա՛ հետ դու հաղթող ես և ավելին, քան միայն հաղթող․․․ 

Այո՛, վստահի՛ր Տեր Հիսուսին։ Հավատա՛ Նրա Խոսքին։ Ապրի՛ր ըստ Նրա ուսուցանած սկզբունքների։ Թո՛ւյլ տուր, որ Նրա կյանքը լցվի քո մեջ։ Քո կյանքում հասունացել է ճեղքում ունենալու ժամանակը։ 

Այս կինը անգամ իր խորը ցավի մեջ, վեր է բարձրացնում իր աչքերը և հետևյալ խոսքերն է ուղղում Աստծուն. «Ես շարունակում եմ Քեզ սիրել, իմ Տեր, շարունակում եմ սիրել․․․»։

Աստված չի՛ սխալվել, երբ Նա քե՛զ կյանք պարգևեց, և չի՛ սխալվել նաև, երբ կանչեց քեզ Իրեն ծառայելու պատվավոր գործի մեջ։

Աստծո ողորմությունները երբե՛ք չեն վերջանում։ Դրանք ամեն օր նորովի են գործում յուրաքանչյուրիս համար։

Եվ իմ աղոթքն է, որ դու, նույնպես, գտնե՛ս քեզ տրված Աստծո շնորհը, դառնաս սովորելու փափագ ունեցող աշակերտ և կարողանաս կիրառել ու օգտագործել գիտելիքներդ ի շահ երկրի վրա Տեր Հիսուս Քրիստոսի Մարմնի՝ Եկեղեցու ամրացման և կորսված հոգիների փրկության։