հրաշքներ

Փնտրի՛ր Աստծուն։ Փնտրի՛ր քո ամբողջ սրտով և քո ողջ էությամբ։ Աստված թույլ կտա, որ գտնես Իրեն, քանի որ Նա սիրում է քեզ անսահման մեծ ու խորը սիրով։

Եթե անգամ ոչինչ չունես, ապա, միևնույնն է, դու կարող ես մարդկանց սեր ու ջերմ վերաբերմունք փոխանցել, և դա այնքա՜ն արժեքավոր է։

Քո վարքագծով, քո կյանքով և քո էությամբ դու Տեր Հիսուսի արտացոլանքը կարող ես դառնալ և դրսևորել Նրա աստվածային բնույթը, որը ներգործում է քո մեջ։ 

Աստված չի պահանջում, որ դու կատարյալ լինես։ Նա ակնկալում է, որ դու անկեղծ կլինես։ Նրա ձեռքը ուղեկցելու է քեզ, որպեսզի օգնի քեզ իրականացնելու Իր կամքն այս երկրի վրա:

Կարող ես խոսել Աստծո սիրո մասին։ Կարող ես քո սեփական կյանքի վկայությունը փոխանցել, որը համապատասխան է նրանց կյանքի ներկա իրավիճակին։

Աստված քեզ առաջարկում է դառնալ Իր օրհնության միջոցը մյուսների կյանքում՝ Նրա կողմից քեզ տրված պարգևների կիրառության շնորհիվ։

Նվիրվի՛ր հոգևոր կյանքին որպես իրական քրիստոնյա, որը ձգտում է ապրել ըստ Տեր Հիսուսի ուսուցանած սկզբունքների։ Դարձի՛ր զգայուն Նրա Խոսքի և Նրա Հոգու հանդեպ։

Աստված մեզնից յուրաքանչյուրին հատուկ նպատակի համար է արարել, և այդ նպատակը մենք չենք կարող բացահայտել առանց Տեր Աստծո հետ մտերիմ հարաբերություն ունենալու։