Տեր Հիսուսը կյանք է լցնում քո հոգու մեջ

 «Օրվա ընթացքում մի քանի րոպե կանգ առ և պարզապես փորձի՛ր գիտակցել, որ դու պատկանում ես Տեր Հիսուսին»։

Սիրելի՛ բարեկամ, Տեր Հիսուսն է ճշմարտությունը։ Նա չի մարմնավորում կամ ներկայացնում ճշմարտությունը, որևէ դիրքորոշում կամ կարծիք: Նա հենց Ճշմարտությունն է։ Աստվածաշնչում կարդում ենք, որ Նա է ճանապարհը, ճշմարտությունը և կյանքը (տե՛ս Հովհաննես 14.6 խոսքը):

Ես հավատում եմ, որ ամենամեծ հրաշքը տեղի է ունենում այն ժամանակ, երբ ինչ-որ մեկը, անկախ տարիքից, սոցիալական կարգավիճակից ու ծագումից, գիտակցում է, որ Տեր Հիսուս Քրիստոսն է միակ ու ճշմարիտ ուղին, որը տանում է Հայր Աստծո մոտ։ Այս հավատքին հետևում է վերստին ծնունդը, նոր սկիզբ է դրվում և մարդը սկսում է նոր կյանքի հրաշալի ընթացք: Հիսուս Քրիստոսն է Միակը, Ով կարող է կյանք լցնել քո հոգու մեջ:

Այսօր ուզում եմ պարզապես շնորհակալություն հայտնել Տիրոջն այն ամենի համար, ինչ Նա արել է մեր կյանքերում և շարունակում է անել…

Աստծու համար թանկ ու սիրելի՛ զավակ, Նրա սիրտն ընտրել է քեզ (տե՛ս Հովհաննես 15.16 խոսքը): Քո կյանքը Նրա ձեռքերում է և պաշտպանված է Նրա կողմից (տե՛ս Սաղմոս 31․15 խոսքը): Դու Նրա շնորհքի կենդանի վկայությունն ես (տե՛ս Բ Կորնթացիներ 3․3 խոսքը):

Քո կյանքի թոհուբոհի մեջ մի քանի րոպե կանգ առ և պարզապես փորձի՛ր գիտակցել, որ դու պատկանում ես Տեր Հիսուսին։ Սա հաստատուն և անփոփոխ ճշմարտություն է։ Ոչինչ չի կարող ջնջել այն փաստը, որ Տեր Հիսուսի կրած վերքերը հենց այն կնիքն են, որը հաստատումն է քեզ շնորհված նոր կյանքի ու ազատության: Սա զարմանահրաշ իրողություն է։

Թող Աստված պարուրի քեզ Իր հոգատարությամբ և այսօր քեզ զգացնել տա կյանքեր փոխակերպող Իր սերը։

Հիշի՛ր, որ դու Աստծո հրաշքն ես, և Աստված սիրում է քեզ։

Շնորհակալ եմ, որ դու կա՛ս։