Այո՛, փորձությունների մեջ․․․ բայց Տեր Հիսուսի՛ հետ

Սիրելի՛ բարեկամ, Տեր Աստծու հետ մտերմություն և հոգևոր աճ ունենալը նշանակում է ավելի հասանելի դառնալ Նրա համար։ Սա մի այնպիսի մտերմություն է, որի ժամանակ մենք կարողանում ենք Նրա հետ կիսվել մեր ուրախություններով և հաղթանակներով, ինչպես նաև մեր պայքարներով ու հիասթափություններով։ Երբ ունենանք նման մտերմություն Տեր Աստծու հետ և հասանելի լինենք Նրա համար, ապա Նրա խոսքը, Նրա սերը և Նրա իմաստությունը մեզ քաջալերանք ու մխիթարություն կբերեն։

Հակոբոս 1․2-4 հատվածում կարդում ենք․ «Լիարժեք ուրախությո՛ւն համարեք, եղբայրնե՛ր, երբ տարատեսակ փորձանքների մեջ ընկնեք՝ իմանալով, որ ձեր հավատի փորձությունը համբերություն է առաջացնում։ Իսկ համբերությունը թող լիովին գործուն լինի, որպեսզի կատարյալ ու լիարժեք լինեք և ոչ մի բանի պակասություն չունենաք»:

Իսկ ինչպիսի՞ փորձություններով ես դո՛ւ անցնում այս օրերին․․․

• Մահվան շուքի ձորո՞վ ես անցնում։
• Թևաթափ ես եղել և ուզում ես հանձնվե՞լ։
• Անկարո՞ղ ես քեզ զգում։
• Մեծ կորուստ կամ տառապա՞նք ես կրել։
• Վախենո՞ւմ ես և տագնապների մեջ ես։

Այսպիսի իրավիճակներում միայն մեկ բան է պետք անել՝ հայացքդ ուղղի՛ր Տեր Հիսուսին։ Գուցե արդեն իսկ գիտես դա, բայց արժե կրկնել, որովհետև դա է միակ ուղին և ճշմարտությունը․․․ Զորեղ ճշմարտություն, որը մխիթարում և ազատում է մեզ։

Այո՛, Աստված գիտի, թե ո՛ւր է ուզում տանել քեզ։ Քո ճանապարհին մոլեգնող փոթորիկների մեջ Նա ոչ միայն քեզ հետ է և ձեռքդ է բռնել, այլև իրականացնում է Իր ծրագիրը։ Նա ամրացնում է քո հավատքը։ Եվ դա մի անգին գանձ է, որն ունենալու համար արժե՛ անցնել ներկա դժվարությունների միջով։   

Մի՛ կասկածիր․․․ խաղա՛ղ եղիր։ Հայացքդ սևեռած պահի՛ր Տեր Հիսուսի վրա, զորացի՛ր Նրա մեջ։ Հավատքդ մի՛ թող, այլ հեռացրո՛ւ քեզնից բոլոր կասկածները։

Աստծու համար թանկ ու սիրելի՛ զավակ, քո բոլոր դժվարությունների մեջ ժամանակ գտիր և խորհի՛ր Տեր Հիսուսի հետ մտերմության մասին։ Խորհի՛ր Նրա համար հասանելի լինելու և Նրա հետ կիսվելու մասին։ Երբևէ մտածե՞լ ես, որ Տեր Աստծու հետ նման մտերմությունը կարող է քո կյանքի դժվարությունների լուծումը դառնալ։

Եղի՛ր օրհնված և քաջալերվի՛ր այսօր Քրիստոսի հետ քո մտերմության հնարավորությամբ։ Նա տերերի Տերն է և թագավորների Թագավորը։ Նրան է տրված ողջ իշխանությունը Երկնքում և երկրի վրա։ Եվ այս ամենով հանդերձ՝ 

Նա նաև քո՛ Տերն է․․․

Հիշի՛ր, որ դու Աստծո հրաշքն ես, և Աստված սիրում է քեզ։

Շնորհակալ եմ, որ դու կա՛ս։