Սիրելի բարեկա՛մ, երբևէ փորձե՞լ ես վազել մարաթոնյան մրցավազը ասենք 15 կիլոգրամանոց պայուսակը մեջքիդ։ Հավանաբար ոչ… և շատ ճիշտ ես արել, որ չես վազել: Հաստատ դա հեշտ չէր լինի քեզ համար, այնպես չէ՞: ?
Իսկ գիտե՞ս, որ Աստվածաշունչում խոսվում է այն բեռների մասին, որոնք կարող են դանդաղեցնել քո հոգևոր մրցավազքը։ Ի՞նչ մրցավազքի մասին է խոսքը: Դա քո կյանքի մրցավազքն է, որը դու վազում ես հանուն հավատքի և հանուն Աստծո: Անկասկած, ամենածանր բեռն այն է, ինչը մենք կրում ենք մեր խղճի վրա՝ մեր մեղքերի և անցյալի ծանրությունը:
Այսպիսով, ի՞նչ ես կարծում՝ քո անցյալի որոշումները, արարքներն ու այն բնույթը, որն ունեցել ես նախկինում, արդյոք այսօր խանգարու՞մ են քեզ դառնալու այն անձնավորությունը, որն Աստված է ուզում, որ լինես: Արդյոք այդ ամենը այսօր էլ խանգարո՞ւմ են քեզ, որպեսզի կարողանաս ապրել առանց մեղավորության զգացումի և ինքնադատապարտության մտքերի:
Աստվածաշունչը հստակ խոսում է այս մասին… Ահա երկու հատված Սուրբ Գրքից.
- «Ուրեմն հիմա ոչ մի դատապարտություն չկա Հիսուս Քրիստոսի մեջ եղողների համար, ովքեր ոչ թե ըստ մարմնի են վարվում, այլ ըստ Հոգու» (Հռոմեացիս 8․1-2)։
- «Եղբայրնե՛ր, ես ինձ չեմ համարում, որ հասել եմ, բայց մի բան կա. հետևում թողածը մոռանալով՝ դեպի առջևում եղածներն եմ ձգտում։ Հետևում եմ նպատակակետին՝ Հիսուս Քրիստոսով դեպի վեր՝ Երկինք՝ Աստծու կողմից կոչվելու մրցանակին» (Փիլիպպեցիս 3․13-14)։
Աստված քեզ չի դատապարտում այն բանի համար, ինչն արել ես նախկինում, եթե այդ արարքների ու մեղքերի համար ներում ես խնդրել և այսօր ապրում ես Նրա կամքին համաձայն:
Քո կոչումը հավատքի մրցավազքը հավատարմորեն վազելն է՝ մոռանալով այն ամենն, ինչն արդեն հետևում է: Այլ կերպ ասած, թույլ մի՛ տուր, որպեսզի այն, ինչը քեզ վրա դատապարտության և մեղավորության ծանրություն է բերում՝ քո նախկին սխալները, մեղքերը, քո անցյալը, մնան քո մտքում, քանի որ հենց Ինքն Աստված, այլևս չի հիշում դրանք (տե՛ս Ա Հովհաննես 1․9, Միքիա 7․19, Եբրայեցիս 8․12)։
Աստծո համար թանկ ու սիրելի զավա՛կ, Տեր Հիսուսը ցանկանում է տեսնել, թե ինչպես ես ոգևորությամբ ու ներված լինելու թեթևությամբ միանում հավատքի այն մրցավազքին, որը Նա պատրաստել էր քեզ համար։ Նա նախ քո վրայից վերցնում է այն ամենն, ինչը կարող է ծանրացնել և դանդաղեցնել քո ընթացքը։
Նա մաքրում է քեզ մեղքերից և մաքրում է քո խիղճը մեղավորության զգացումից… Քո բոլոր մեղքերը ներված են։ Այլևս մի վերադարձիր նախկին կենսակերպին։ Ապրի՛ր սրբության կյանքով։ Հեռացրո՛ւ քեզնից խավարի գործերը և ապրի՛ր լույսի մեջ։ Այժմ դու կարո՛ղ ես վազել Աստծո պատրաստած ասպարեզը լիակատար թեթևությամբ և անպատմելի ազատությամբ։
Առաջարկում եմ ժամանակ տրամադրել ու լսել «Քո մեղքերը ներված են․․․» վերնագրով այս ուսուցումը՝
Շնորհակալ եմ, որ դու կա՛ս։
Դու Աստծո հրաշքն ես:
Աստված ուզում է փոխել քո կյանքը
Ստացիր ամենօրյա քաջալերանքներ
Ուզում ես ստանալ ամենօրյա քաջալերանքները քո էլ․ փոստի՞ն։ Բաժանորդագրվիր «Քո հրաշքն՝ ամեն օր» նամակագրությանը