«Ես միշտ սխալ որոշումներ եմ կայացնում…»: «Իսկ եթե այս հիվանդությունս չանցնի՞․․․»: «Ես վախենում եմ, որ այս ամենը վատ ընթացք կունենա»: «Ամբողջ կյանքումս կարիքի մեջ եմ լինելու․․․»:
Սիրելի՛ բարեկամ, իսկ ինչպիսի՞ն են քո բացասական մտքերը։ Ինչի վերաբերյալ էլ դրանք լինեն, միշտ հիշի՛ր, որ բացասական մտքերը մակաբույծներ են, որոնք գողանում են մեր խաղաղությունը, ուրախությունն ու վստահությունը։ Դրանք կարող են նաև գողանալ քո առողջությունն ու հարաբերությունները։ Եվ եթե դու ոչինչ չանես դրանց հետ ու հարմարվես դրանց ներկայությամբ ապրելուն, ապա բացասական մտքերը կարող են ընդմիշտ հաստատվել քո ներաշխարհում և սարսափելի վնաս հասցնել քո կյանքին։
Սակայն կարող ես վստահ լինել, որ կա՛ լուծում։ Դու կարո՛ղ ես ազատվել քեզ այցելած բոլոր բացասական մտքերից:
Աստվածաշունչը հորդորում է քեզ «մերժել չարի փաստարկները» և «գերի բռնել յուրաքանչյուր միտք՝ դրանք Քրիստոսին հնազանդեցնելու համար»:
Ահա այդ հատվածը Սուրբ Գրքում. «․․․քանդում ենք ծածուկ մտքերը և ամեն բարձունք, որ Աստծու գիտության դեմ է գոռոզանում, ու գերում ենք ամեն միտք՝ Քրիստոսին հնազանդեցնելու համար» (Բ Կորնթացիս 10․4-5)։
Աստծու համար թանկ ու սիրելի՛ զավակ, իսկ դու ի՞նչ ես անում, երբ քո գլխում բացասական մտքեր են հայտնվում։ Արդյոք թո՞ւյլ ես տալիս, որ դրանք ներխուժեն ու հաստատվեն քո ներսում, թե՞ այդ մտքերն անցկացնում ես Աստծու Խոսքի և քո կյանքի համար Նրա կամքի մաղով։
Դու պետք է հստակ իմանաս, որ այդ բացասական մտքերը չպե՛տք է ուղղորդեն քո կյանքը։ Ավելին՝ դու իշխանություն ունես որոշելու, թե ուր ուղարկես այդ մտքերը: Դու կարո՛ղ ես վանել այս բացասական մտքերը։ Վռնդի՛ր դրանք և այնուհետև որոշի՛ր, որ դրանց տեղը դատարկ չմնա, այլ դրանց փոխարինեն դրական մտքերը, որոնք համահունչ են Աստծու կամքին։
Իրականում, որպեսզի այս մտքերը չվերադառնան, դրանք պետք է փոխարինվեն դրական մտքերով: Իսկ դրական մտքերը չեն գալիս ինքնաներշնչանքով կամ ինքնահամոզմամբ։ Դրա համար մենք մեր հայացքը պետք է ուղղենք Տեր Հիսուսին:
Հիշեցրո՛ւ ինքդ քեզ նորից ու նորից, որ խաչի վրա Տերը հաղթել է չարին, և հաղթանակը քոնն է Տեր Հիսուսի հանդեպ քո հավատքի շնորհիվ։
Միշտ հիշի՛ր աստվածաշնչյան այս ճշմարտությունները․
- Նրա խոստումները քո կյանքի համար բարի են (Սաղմոս 105․8 և Սաղմոս 119․114)։
- Նա անվերապահ սեր ունի քո հանդեպ (Երեմիա 31.3)։
Այսօր թույլ մի՛ տուր, որ բացասական մտքերը ապակայունացնեն և խաթարեն քո ներաշխարհը… Մերժի՛ր դրանք Տեր Հիսուսի անունով:
Թո՛ղ քո միտքը լցվի Աստծու Խոսքի բժշկարար ներկայությամբ:
Առաջարկում եմ ժամանակ տրամադրել ու լսել «Ինչպե՞ս հաղթել մտքի պատերազմը կամ «ո՛չ» ասելու արվեստը» վերնագրով այս ուսուցումը:
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Դու Աստծո հրաշքն ես:
Աստված ուզում է փոխել քո կյանքը
Ստացիր ամենօրյա քաջալերանքներ
Ուզում ես ստանալ ամենօրյա քաջալերանքները քո էլ․ փոստի՞ն։ Բաժանորդագրվիր «Քո հրաշքն՝ ամեն օր» նամակագրությանը