Աղոթքն ամենահզոր զենքն է ??

Սիրելի բարեկա՛մ, այսօր ևս շարունակում ենք «Դարձի՛ր Երկնքի Արքայության դեսպանը» անվանումը կրող շարքը։

Ուզում եմ քաջալերել քեզ, որ ընդունես այն խորհուրդը, որ Պողոս առաքյալն է մեզ թողել Աստվածաշնչում․ «Անդադար աղոթե՛ք։ Ամեն բանում գոհությո՛ւն հայտնեք, որովհետև սա է ձեր հանդեպ Աստծու կամքը Քրիստոս Հիսուսով» (Ա Թեսաղոնիկեցիս 5․17-18)։ 

Աղոթքը քրիստոնյայի ամենահզոր զենքն է․․․ այն զորություն ունի փոխելու իրադարձությունների ընթացքն ու նույնիսկ կարող է ճանապարհ բացել մեր կյանքում Աստծո զորավոր գործերի համար։ 

Երբ Տեր Աստված տրտմությամբ լցված որոշեց ոչնչացնել Սոդոմն ու Գոմորը, Աբրահամը բարեխոսական աղոթք բարձրացրեց այդ երկու քաղաքների համար, որի շնորհիվ փրկվեցին նրա եղբորորդի Ղովտն ու իր ընտանիքը։ Աբրահամի սիրտը ցավում էր, երբ նա մտածում էր, որ արդարները կկորսվեն անիրավ մարդկանց հետ միասին (Ծննդոց 18․23-33)։

Համոզված եմ, որ Տերը չանտեսեց Աբրահամի աղերսանքը, երբ Իր զավակը աղոթք բարձրացրեց այդ երկու քաղաքների բնակիչների համար։ Աբրահամի յուրաքանչյուր խնդրանքը Տերը համբերությամբ լսում էր և հաշվի առնում։ 

Աստծո համար թանկ ու սիրելի զավա՛կ, եթե դու դարձել ես Երկնքի Արքայության դեսպան, ապա քո աղոթքը կարող է նույնքան ազդեցիկ լինել, որքան Աբրահամի աղոթքն էր։ 

Ահա, թե ինչ էր սովորեցնում Տեր Հիսուսը աղոթելու մասին․ «Այլ երբ դու աղոթես, մտի՛ր քո սենյակը, փակի՛ր դուռդ և ծածուկ աղոթի՛ր քո Հորը, և քո Հայրը, որ տեսնում է ծածուկը, հայտնապես կհատուցի քեզ» (Մաթևոս 6․6)։  

Երբ դու ծածուկում արված աղոթքի սերմեր ցանես, Աստված բացահայտ կպատասխանի քեզ։

Եթե չգիտես՝ ինչպես աղոթել ընտանիքիդ, երեխաներիդ, ուսմանդ, ընկերներիդ, մասնագիտական առաջընթացիդ կամ անձնական կյանքիդ համար, խորհուրդ կտամ քեզ պարզապես աստվածաշնչյան համարներով աղոթել քո իրավիճակի համար։

Ահա դրանիցի մի քանիսը․

• «․․․Բայց ես և իմ տունը Տիրոջն ենք պաշտելու» (Հեսու 24․15)

• «Որովհետև ես գիտեմ այն խորհուրդները, որ խորհում եմ ձեր մասին,- ասում է Տերը,- բարօրության խորհուրդներ և ոչ թե չարիքի, որպեսզի ձեզ ապագա և հույս տամ» (Երեմիա 29․11) 

• «․․․Տերը քեզ կդարձնի գլուխ և ոչ թե պոչ. դու միշտ վերևում կլինես և ներքևում չես լինի, եթե հնազանդվես քո Տեր Աստծու պատվիրաններին, որոնք ես այսօր պատվիրում եմ քեզ, որ պահես ու կատարես» (Բ Օրինաց 28․13) 

• «Ամեն բան կարող եմ ինձ զորացնող Քրիստոսով» (Փիլիպեցիս 4․13)

• «Որովհետև դու, Տե՛ր, բարի ես և ներող և ողորմությամբ հարուստ բոլոր քեզ կանչողների համար» (Սաղմոս 86․5)

Աղոթքը կարող է շատ բան փոխել քո կյանքում, քեզ համար թանկ մարդկանց կյանքերում և քո ազդեցության շրջանակում լինողների կյանքում։ Աղոթի՛ր, քանի որ հենց այդպես է Աստծո սիրո լույսը տարածվելու քո շրջապատում։

Կարո՞ղ ես հիմա աղոթել ինձ հետ միասին․ «Տե՛ր Աստված, ես հավատում եմ, որ Քո դեսպաններից մեկն եմ և շնորհակալ եմ ինձ վստահված այս հատուկ առաքելության համար։ Ես ուզում եմ ավելի շատ աղոթել․․․ Խնդրում եմ, որ օգնես ինձ այս հարցում։ Սովորեցրո՛ւ ինձ, թե ինչպե՛ս պետք է աղոթել․․․ Ինձ ճիշտ խոսքեր տուր։ Եվ խնդրում եմ, որ այդ աղոթքների մեջ Քո մտերմությունով ինձ ուրախություն պարգևես։ Աղոթում եմ Տեր Հիսուսի անունով։ Ամե՛ն»։

Շնորհակալ եմ, որ դու կա՛ս։