Միայն Աստված կարող է քննել քո սիրտը:

«Միայն Աստված կարող է սրբացնել քո սիրտն ու փոխակերպել կյանքդ»։

Սիրելի Ընկեր, շատ հավատացյալներ ուզում են իմանալ, թե ի՞նչ պետք է անեն, որպեսզի դառնան սրբության կյանքով ապրող մարդիկ և ավելի ու ավելի նմանվեն Տեր Հիսուսին: Արդյոք այս հարցի պատասխանը քեզ համար նույնպե՞ս մեծ կարևորություն ունի։

Եթե ուզում ես, որ Աստված փոխակերպի կյանքդ, դա լավ է։ Դու ճիշտ ուղու վրա ես: Բայց ինչպե՞ս է մարդը փոխակերպվում: Կարո՞ղ է արդյոք այդ փոխակերպումը տեղի ունենալ քո սեփական ուժերի արդյունքում։ Աստվածաշունչը պատասխանում է այս հարցին Հովհաննես 17․17 խոսքում. «Սրբացրո՛ւ նրանց Քո ճշմարտությամբ. Քո խոսքը ճշմարտություն է»։

Դու չես կարող սրբության կյանքով ապրող մարդ դառնալ միայն քո ջանքերի կամ կամքի ուժի արդյունքում: Սրբությունը մեր կյանքում իրականություն է դառնում մեր Երկնային Հոր շնորհիվ՝ մեր կյանքում Նրա Խոսքի և Նրա Հոգու գործելու արդյունքում։ 

 Սիրելի Ընկեր, ես կոչ եմ անում քեզ այսօր.

·         Խնդրել Սուրբ Հոգուն, որ քննի քո սիրտը,

·         Կարդալ ու մտորել Նրա Խոսքի, ճշմարտության և քո կյանքի համար Նրա ամենօրյա խորհուրդների շուրջ,

·         Շարունակել լսել քո Երկնային Հոր ձայնը:

Միայն Աստվա՛ծ կարող է սրբացնել քո սիրտը և փոխակերպ կյանքդ: Միայն Նա՛ կարող է նորոգել միտքդ ու հպվել քո հոգուն: Նրա փափագն է առաջնորդել քեզ քո փոխակերպման օրհնյալ ընթացքի մեջ և իրագործել քո կյանքի սրբացման գործընթացը:

Ես կոչ եմ անում քեզ այսօր, որպեսզի թույլ տաս Տեր Աստծուն քննելու քո սիրտը և սկսելու կամ շարունակելու քո մեջ Նրա հեղինակած վերափոխման սքանչելի գործը:

Հիշի՛ր, որ դու Աստծո հրաշքն ես, և Աստված սիրում է քեզ։

Շնորհակալ եմ, որ դու կա՛ս։

Արման Մանուկյան