Ըստ քեզ, ո՞րն է Աստծո մեծագույն խոստումը

Սիրելի՛ Ընկեր, Աստվածաշնչում մենք բազմաթիվ խոստումների ենք հանդիպում։ Բայց արդյոք գիտե՞ս, թե որն է այդ բոլոր խոստումների մեջ մեծագույնը։ Այն վերաբերում է իմ և քո, ինչպես նաև մյուս բոլոր մարդկանց կյանքին։ 

 

Ե՛կ միասին տեսնենք, թե ի՛նչ փափագ ունի Աստված ինձ և քեզ համար։ 

 

«…Աշխարհի բոլոր ազգերը քեզնով (Աբրահամով) կօրհնվեն» (‭‭Ծննդոց‬ ‭12․3):

 

Ի՞նչն է այս խոստումը դարձնում այդքան թանկարժեք ինձ և քեզ համար, ինչպես նաև մյուս բոլոր մարդկանց համար։ 

 

Քանի որ Տեր Հիսուսը Աբրահամի սերնդից խոստացված Փրկիչն է, ապա հենց Նրա միջոցով են երկրի բոլոր ազգերը, ներառյալ ես և դու, օրհնվելու (տե՛ս Մատթևոս 1․1-17 հատվածը)։ 

 

Պատասխանը Տեր Հիսուսն Ինքն է։ Նրա մեջ է գտնվում մեզ տրված օրհնության խոստման վերջնական իրականացումը։ 

 

«Եվ ուրիշ մեկի միջոցով փրկություն չկա, որովհետև երկնքի տակ չկա մարդկանց տրված ուրիշ անուն, որով մենք կարող ենք փրկվել» (‭‭Գործք ‭4․12):‬‬

 

Տեր Հիսուսն է Աստծո մեծագույն խոստման իրականացումը, որովհետև մեր հավիտենական փրկությունը Նրանով է իրականանում։ Մի օր մենք անցնելու ենք դեպի հավիտենություն, և այն, ինչը մեզ թույլ է տալու փրկությունը ժառանգել․․․ այն կամուրջը, որը կապում է մեր երկրային կյանքը Աստծո հետ հավիտենական երանության իրականության հետ, հենց Աստծո այս խոստումն է՝ փրկության խոստումը, որը միայն Տեր Հիսուս Քրիստոսի մեջ է և Նրա միջոցով։ 

 

Աստծու համար թանկ ու սիրելի՛ Ընկեր, անշուշտ, Աստծու մյուս բոլոր խոստումները նույնպես Նրա մեջ են իրականանում։ Սակայն առանց այս մեծագույն և հավիտենական խոստման՝ մյուս բոլոր խոստումների իրականացումը մեր կյանքերում ոչ մի իրական արժեք չի կարող ունենալ։ Տեր Հիսուսն է մեր հավիտենական խոստումը, ինչպես նաև մեր ամեն օրվա ուժն ու զորությունը այս կյանքը Տեր Աստծու ակնկալած կերպով ապրելու համար։ 

 

Շնորհակալ եմ, որ դու կա՛ս։