![September9 September9](https://hisus.am/wp-content/uploads/2023/09/September9-1024x538.jpg)
Սիրելի՛ բարեկամ, այսօր մենք միասին սկսում ենք ուղերձների մի նոր շարք, որը կրում է «Հանգիստ գտնելու 7 օրեր» անվանումը: Տեր Հիսուսը խոստացել է, որ եթե դու մոտենաս Նրան, ապա խաղաղություն և հանգիստ կգտնես Նրա մոտ: Այս ուղերձների նպատակն է օգնել քեզ գտնելու իրական հանգիստ և խաղաղություն քո կյանքի թե՛ ֆիզիկական, թե՛ հոգևոր և թե՛ զգացմունքային ոլորտներում:
Տեր Հիսուսն ասել է հետևյալը․ «Ինձ մո՛տ եկեք, բոլո՛ր հոգնածներ ու բեռնավորվածներ, և Ես հանգիստ կտամ ձեզ։ Իմ լուծը ձեզ վրա՛ վերցրեք ու Ինձանի՛ց սովորեք, որովհետև Ես հեզ եմ ու սրտով խոնարհ, և ձեր հոգիներին հանգստություն կգտնեք» (Մատթեոս 11.28-29):
Աստծու համար թանկ ու սիրելի՛ զավակ, Քո հոգնածության համար դեղամիջոց կա՛, և այդ դեղամիջոցը այն Մեկի մեջ է, Ով երբեք չի հոգնում:
Տեր Հիսուսի խոսքերը Մատթեոս 11-րդ գլխում Իրեն մոտենալու հրավեր են: Հրավեր՝ Աստծու մոտ հանգստություն գտնելու համար:
Ահա՛ թե ինչ է ասում Աստվածաշունչն Աստծու մասին. «Մի՞թե չգիտես կամ չե՞ս լսել, որ հավիտենական Աստված է Տերը, Արարիչը երկրի ծայրագույն սահմանների։ Նա չի հոգնել և չի թուլացել, Նրա հանճարն անքննելի է։ Նա է հոգնածին ուժ տվողը, Նա ավելացնում է կարողություն չունեցողի զորությունը» (Եսայիա 40․28-29):
Այո՛, Նա ամենակարող է, հավիտենական, անսահման և անըմբռնելիորեն մեծ ու զորավոր: Եվ դու այսօր Նրա մեջ կարող ես գտնել քո բոլոր հոգսերի ու խնդիրների պատասխանը… Չկա մի հոգս, որի համար Նա լուծում չունենա: Վստահի՛ր Նրան քո կյանքի բեռներն ու ծանրությունները և, փոխարենը, քո ուսերին վերցրու Նրա լուծը՝ Նրա առաքելությունը՝ Նրա ողորմության, Նրա համբերության, Նրա ուժի ու զորության հետ մեկտեղ:
Քեզ մի բան եմ հիմա առաջարկում՝ գրի առ այն ամենը, ինչ մտահոգում է քեզ՝ քո կյանքի ֆիզիկական, հոգևոր կամ զգացմունքային խնդիրները: Այնուհետև դրա կողքին գրի առ այն ամենը, ինչ Աստված հոգացել է, որպեսզի դու դիմակայես այդ խնդիրներին ու ազատվես այդ հոգսերից: Այսօր գրի առ Տիրոջ հոգացած այն բոլոր հնարավորություններն ու օգնությունները, որոնք նպատակ ունեն քեզ այս կյանքում հաղթող դարձնելու։ Հիշի՛ր այն զորությունը, որը Տերը խոստացել է տալ քեզ։ Տե՛ս այն մարդկանց, որ Տերը դրել է քո կողքին, որպեսզի քեզ օգնեն քո տկարությունների ժամանակ։ Բացի՛ր աչքերդ ու տե՛ս, թե Աստված որքա՜ն է քեզ սիրում, և թո՛ւյլ տուր, որպեսզի Տերը լցնի քո կյանքը այն առատ օրհնություններով, որ Նա պատրաստել է քեզ համար:
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Դու Աստծո հրաշքն ես:
![156380229_268237911526745_6094722723839198753_n 156380229_268237911526745_6094722723839198753_n](https://hisus.am/wp-content/uploads/2021/03/156380229_268237911526745_6094722723839198753_n.png)
Աստված ուզում է փոխել քո կյանքը
Ստացիր ամենօրյա քաջալերանքներ
Ուզում ես ստանալ ամենօրյա քաջալերանքները քո էլ․ փոստի՞ն։ Բաժանորդագրվիր «Քո հրաշքն՝ ամեն օր» նամակագրությանը