Քո կյանքի համար Աստծո խոստումները ճանապարհին են
«Աստծո խոստումները չեն ուշանում… Դրանք պարզապես ճանապարհին են»։Սիրելի՛ Ընկեր, եթե Աստված ինչ-որ բան խոստացել է Իր Խոսքի մեջ, դու քննել ես ու տեսել, որ բավարարում ես այդ խոստման պայմաններին և դեռ չես տեսել դրանց իրականցումը քո կյանքում, ի՞նչ կարող է դա նշանակել։ Արդյոք հնարավո՞ր է, որ Աստված չպահի Իր խոստումը:Աստվածաշունչն այն լույսն է, որը լուսավորում մեր ուղին և ուղղորդում է մեր բոլոր քայլերը։ Եվ ճշմարտության անսխալական Աղբյուր Աստվածաշունչը սովորեցնում է, որ Աստված «մարդ չէ, որ սուտ խոսի․․․» (Թվոց 23․19)։
Եվ դեռ ավելին, Աստված պատրա՛ստ է իրականացնելու Իր Խոսքը: Նա պատրաստակա՛մ է անելու այն, ինչը խոստացել է․ «Եվ Տերն ասաց ինձ. «Լավ տեսար, որովհետև Ես պիտի հսկեմ Իմ խոսքը, որպեսզի կատարեմ այն» (Երեմիա 1․12)։
Աստված երբեք չի թողնում մեզ ձեռնունայն և անորոշության մեջ: Նա կիրագործի այն ամենն, ինչ ասել է: Դու կարող ես դրանում համոզված լինել, որովհետև Նրա Խոսքը անսասան է և անսխալական։ Այլ կերպ ասած, Աստծո Խոսքը երբե՛ք չի հնանում ու չի փոփոխվում։
Աստծու համար թանկ ու սիրելի՛ Ընկեր, դու կարող ես վստահաբար հույսդ դնել Նրա խոստման վրա: Աստված կատարելու է այն, ինչը խոստացել է: Երբ Նա մի բան է ասում, ապա դա անպայման կատարում է: Անգամ եթե քո կարծիքով Նրա խոստման իրականացումն ուշանում է, ապա այդ ուշացման մեջ էլ իմաստ ու դաս կա։ Աստված սիրում է քեզ և լավագույնն է պատրաստել քեզ համար։ Իսկ լավագույնին հաստատ արժե սպասել ու վստահել Տեր Աստծու ժամանակացույցին։
Մնա´ ուժեղ և թո´ւյլ մի տուր, որ քեզ այցելի հուսալքությունը: Կանգ մի´ առ: Պահպանի´ր հոգուդ հանդարտությունը։ Եղի՛ր վստահ և հավատա՛, որ Աստծո խոստումը քո կյանքի համար արդեն իսկ իրագործման ճանապարհին է։
Շնորհակալ եմ, որ դու կա՛ս։
