Միշտ ուրախ եղե՛ք…

Սիրելի՛ Ընկեր, այսօր Սաղմոս 94․18-19  հատվածի մեր ուսումնասիրության վերջին օրն է: Թո՛ւյլ տուր այսօր, որ Տիրոջ խաղաղությունը գա քո կյանքի մեջ։ 

 

«Եթե ասում եմ՝ «Ոտքս դողդողում է», Տե՛ր, Քո ողորմությունը հաստատում է ինձ։ Մինչ իմ հոգսերն իմ սրտում շատանում են, Քո մխիթարություններն ուրախացնում են ինձ» (Սաղմոս 94.18-19)։

«․․․ ուրախացնում են ինձ»։ Եթե Աստվածաշունչն ասում է. «Մշտապես ուրախ եղեք» (Ա Թեսաղոնիկեցիս 5․16), ապա դա նշանակում է, որ այս պահանջն իրականացնելը հնարավոր է:

Աստծու համար թանկ ու սիրելի՛ Ընկեր, անկախ մեր ներկա իրավիճակից և մեր կյանք այցելած դժվարություններից՝ Աստված շատ է ուզում զորացնել քեզ Իր ուրախությամբ: Դժվարին իրավիճակներում  մեզ ուժ և զորություն է անհրաժեշտ, և Նա Իր կատարյալ ուրախությունն է ուզում տալ քեզ, որն էլ մեր զորության աղբյուրն է։ «․․․մի՛ տրտմեք, որովհետև Տիրոջ ուրախությունը ձեր զորությունն է» (Նեեմիա 8․10):

 

Փառաբանի՛ր Աստծուն և թո՛ւյլ տուր, որպեսզի Նա քեզ լցնի Իր ուրախությամբ: 

 

Ուրախությունը հզոր զենք է: 

Ահա իմ աղոթքը քեզ համար, որը վերցված է Աստվածաշնչից.

 

• Եվ հույսի Աստվածը 

• թող ձեզ ամեն ուրախությամբ 

• և խաղաղությամբ լցնի 

• հավատի մեջ, 

• որպեսզի Սուրբ Հոգու զորության հույսով

• Առատանաք (Հռոմեացիս 15․13)

 

Երբե՛ք մի մոռացիր, որ ուրախությունը չի ծնվում ինքնաբերաբար և ոչ էլ գալիս է դավանությունով ու հռչակումներով։ Ուրախությունն ընդունելը քո որոշումն է՝ հաստատուն որոշում, որը պետք է հենց հիմա կայացնես։ Առաջարկում եմ նաև ժամանակ տրամադրել և լսել «Սուրբ Հոգու պտուղներ» շարքի «Ուրախություն» վերնագրով պատգամը:

Շնորհակալ եմ, որ դու կա՛ս։