Երբ հայտնի մարդիկ կամ քաղաքական գործիչները դուրս են գալիս հանրության առջև, նրանք սովորաբար շրջապատված են լինում թիկնապահներով։ Քանի որ այդ մարդիկ համարվում են կարևոր, նրանց պաշտպանությունն էլ համարվում է էական, և նրանց հետ շրջում են այդ հատուկ «պաշտպանները»` նրանց թիկնապահները:
Սիրելի՛ բարեկամ, այսօր ուզում եմ քեզ հավաստիացնել, որ եթե դու հավատացել ես Տեր Հիսուսին, ապա Նրա համար դու նույնպես կարևոր մարդ ես։ Բազմաթիվ հրեշտակներ աչալուրջ թիկնապահների նման հսկում են և զննում չորսբոլորը, որպեսզի ապահովեն քո պաշտպանությունը։ Եվ դա անելու համար ոչ մի միջոց չի խնայվում: Քո պաշտպանվածությունն ապահովելու համար Աստված Ինքն անձամբ է հոգ տանում դրա մասին։
Այո՛, Աստվածաշունչն ասում է, որ Աստված է քեզ Պաշտպանողը, քո ապահովության ու անվտանգության Աղբյուրը։ Այս գաղափարը կարող է քեզ տարօրինակ թվալ, բայց Իր Խոսքում Աստված վստահեցնում է Իր զավակներին՝ ասելով. «Մի՛ վախեցիր, որովհետև ես քեզ հետ եմ, մի՛ զարհուրիր, որովհետև ես քո Աստվածն եմ։ Ես քեզ կզորացնեմ և կօգնեմ քեզ, նաև քեզ նեցուկ կլինեմ իմ արդար աջով» (Եսայիա 41․10):
Աստծու համար թանկ ու սիրելի՛ զավակ, Աստված միշտ քեզ հետ է։ Նա միշտ քո կողքին է։ Նրա աչքերը մշտապես քեզ վրա են: Նա հսկում է քո ամեն տեղաշարժը և պաշտպանում է քեզ բոլոր վտանգներից։ Նա վերահսկում է քո կյանքի իրավիճակները։ Եվ դու կարող ես հանգիստ լինել։ Աստված Ինքն է ստանձնել քո պաշտպանության ապահովումը:
Այսօր առաջարկում եմ պարզապես գոհանալ Տիրոջից և գովաբանել Աստծուն, քանի որ Նա պաշտպանում է Իրեն հավատացողներին և, ինչպես Աստծու Խոսքն է հավաստիացնում, հատուկ հրեշտակների բանակ է կարգում աստվածավախ մարդկանց շուրջ։
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Դու Աստծո հրաշքն ես:
Աստված ուզում է փոխել քո կյանքը
Ստացիր ամենօրյա քաջալերանքներ
Ուզում ես ստանալ ամենօրյա քաջալերանքները քո էլ․ փոստի՞ն։ Բաժանորդագրվիր «Քո հրաշքն՝ ամեն օր» նամակագրությանը